Erediens Sondag 14 Desember 2025 om 9vm
Genealogieë of geslagsregisters is nie ons gunsteling leesstof nie. Net mense wat regtig in die geskiedenis belangstel, lees 'n geslagsregister.
Tog is 'n geslagsregister meer as net 'n klomp name. As 'n mens 'n bietjie dieper na Jesus se geslagsregister in Matteus 1 kyk, dan ontdek jy 'n paar baie betekenisvolle feite.
Met ons gemeente se 170-jarige feesvieringe vanjaar het daar baie interessante dinge uit die geskiedenis aan die lig gekom wat getuig het van groot genade en seën.
Kom ontdek Sondag 'n paar nuwe dimensies van God se genade en seën soos dit blyk uit sy voorgeslagte. Jesus se afkoms uit gebroke, disfunksionele families gee ons hoop vir 'n stukkende wêreld en ook vir ons in ons eie gebrokenheid.
Kersfees herinner ons dat daar altyd hoop is al lyk alles so wanhopig!
U kan HIER na die vorige eredienste kyk
Kerkkalender vir Desember 2025
| Maandag | Dinsdag | Woensdag | Donderdag | Vrydag | Saterdag | Sondag |
|---|---|---|---|---|---|---|
|
|
|
|
|
Desember 6, 2025
|
|
|
|
|
Desember 11, 2025
|
Desember 12, 2025
|
Desember 13, 2025
|
|
Desember 15, 2025
|
|
Desember 17, 2025
|
Desember 18, 2025
|
Desember 19, 2025
|
Desember 20, 2025
|
|
Desember 22, 2025
|
Desember 23, 2025
|
Desember 24, 2025
|
|
|
Desember 27, 2025
|
|
Desember 29, 2025
|
Desember 30, 2025
|
|
Januarie 1, 2026
|
Januarie 2, 2026
|
Januarie 3, 2026
|
Januarie 4, 2026
|
Ons Bedieninge
Senior Bybelstudie
Kom deel in die uitsonderlike geleentheid om op ʼn interaktiewe wyse verwonder te word deur die Woord van God. Hier bestudeer ons God se Woord en leef ons dit daadwerklik uit.
Uitspanklub
Ons Seniors is vir ons uiters belangrik want hulle het ʼn onskatbare waarde van kennis en wysheid. Ons vier spesiaal ons Seniors met ʼn baie besonderse Senior Lidmate Sondag in Oktober.
A2J
A2J is ons dinamiese en energieke tienerbediening vir tieners tussen 13 en 18 jaar oud. Ons kom elke Sondag om 09:00 saam in die kerksaal tydens die erediens – ’n plek waar jy die Here kan leer ken, nuwe vriende kan maak en jouself kan wees. By A2J gaan dit oor egte verhoudings: met God, met mekaar, en met die lewe!
Visvoete Stapklub
Vishoek gemeente is omring met berge. Die gemeente beskik oor uiters ervare stappers wat jou sal laat veilig voel as jy saam stap. Besoek gerus die Visvoete se eie webwerf by http://visvoete.wixsite.com/visvoete vir foto’s, tydskedules en nog meer.
Omgewingsorg
Die Here gee vir ons die verantwoordelikheid om na die aarde om te sien. Na onderhandelinge met Metrorail het hulle ʼn deel van die spoorlyn aan ons gemeente toegewys.
Natuurbewaring
Ons onderhou die staproetes op Elsiespiek deur die dreineringslote oop te maak, oopsnoeiwerk te doen waar nodig, om onwettige paadjies en dubbelpaadjies toe te maak en daarna op ʼn gereelde basis roetine instandhoudingwerk te doen.
Sendelinge
Ons probeer hard om hierdie opdrag van Jesus te gehoorsaam en om die daarmee gepaardgaande werksaamhede te koördineer saam met ons onderskeie sendelinge.
Bybelstudiegroepe
Ons bybelstudiegroeep kom weekliks bymekaar waar ons delf in die Woord van God en word daar gedeel oor die leefwêreld en uitdagings van Christen wees.
Kuier Saam
Kom kuier saam by ons basaar, wintermark en kersmark. Almal welkom!
Verwelkomingspan
Vir elke besoeker wat op ʼn Sondag aanmeld as nuwe intrekker, word hartlik verwelkom deur ʼn lid van die nuwe intrekkerspan. Hul word bederf met ʼn klein geskenkie en hierdie persoon vergesel hul na die erediens na die teedrink geleentheid.
Kursusse
Ons bied verskeie kursusse deur die jaar aan om jou te help om traumas te verwerk, geestelik te groei, te leer hoe om na ander uit te reik of in jou Christenskap te groei.
Omgeegroepe
As gelowiges het ons mekaar nodig. Ons kan nie ander bedien as ons nie self geestelik gevul word nie. Daarom het ons gemeente omgeegroepe waar gelowiges weekliks bymekaar kom om mekaar te versterk in die geloof.
Musiekbediening
NG Kerk Vishoek akkommodeer ‘n wye verskeidenheid van aanbidding style tydens ons eredienste. Uit die aard van ons eie grootword, orientasie, ouderdom, geloofsvorming, en selfs net plein musikale voorkeure sal dit so wees.
Uitreike
Dit is ‘n reuse voorreg om God se hande en voete te wees by ons jaarlikse uitreik. Uitreike gryp nie net meer die gemeente se hart aan nie, maar ook die breër gemeenskap.
Versorging
Die Versorgingsbediening se taak is om deur middel van verskillende maniere by die lewens van lidmate betrokke te raak . Ons sien om na ons mense, besoek siekes en eensames en versorg ons Senior lidmate en hulpbehoeftigdes waar nodig.
Vrouediens
Die Vrouediens is een van die kerk se bedienings. Hul lewer ‘n diens aan die kerk en gemeenskap. Hul vergader een keer per kwartaal, Dan word die projek vir die kwartaal beplan.
Bergskilpaaie
Vir persone wat die natuur wil geniet en ons omgewing verken, maar eerder Vrydae oggende stap.
Eiendomskomissie
By NG Vishoek glo ons dat ons kerkterrein en -geboue ’n praktiese en simboliese rol speel in ons diens aan God en ons gemeenskap. Die Eiendomskommissie is ’n toegewyde span gemeentelede wat verantwoordelik is vir die instandhouding, verbetering en benutting van ons kerk se eiendom.
Jubelklub
Jubelklub is ‘n bediening vanuit ons gemeente wat elke Donderdag by Laerskool Paul Greyling met die kinders werk. Elke tweede week is ons in die saal waar Rohan ons laat liedjies sing en ‘n boodskap deel terwyl hy ook lekker grappies maak, en elke ander tweede week is die wonderlike tannies besig met die klasse waar hulle so goed met die kinders werk.
Kindergeloof
Ons Kindergeloof-bediening is ’n veilige, vreugdevolle ruimte waar kinders God leer ken op hul vlak, in hul taal, en met hul energie!
Kommunikasiebediening
By NG Vishoek is ons op ’n missie om God se liefde en waarheid duidelik, kreatief en doelgerig te kommunikeer. Die Kommunikasiebediening speel ’n sleutelrol om ons gemeente te verbind – met mekaar én met die wêreld daar buite.
Manne Biduur
Ons manne biduurgroep kom Maandae-aande bymekaar om saam te bid ons vir ons mense wat siek is, werksaamhede in die liggaam van Christus, gebeure in die land en wêreld asook enige ander aktuele sake of gebedsversoeke wat ons ontvang het.
Mediasentrum
Kom kyk gerus na die erediens na al die geestelike boeke wat in ons Mediasentrum is. U kan na hartelus uitneem en sodoende u geestelike lewe verryk.
Tegniese Bediening
Die Tegniese Bediening van NG Vishoek sorg dat elke erediens en geleentheid professioneel, helder en sonder onderbrekings verloop. Ons gebruik tegnologie nie vir vertoon nie, maar om God se boodskap met kwaliteit en integriteit te dra — in die kerk én daarbuite.
Stap vir Bybels
Stap vir Bybels is NG Vishoek se opwindende geloofsaksie wat liggaam, siel én gemeenskap dien. Ons stap saam — in geloof, in gebed, en met ’n doel: om fondse in te samel sodat Bybels versprei kan word waar dit die nodigste is.
Kampe
NG Vishoek se kampe is ’n kosbare deel van ons gemeentelewe. Dis waar geloof prakties word, waar vriendskappe blom, en waar ons in die rustigheid van die skepping weer die stem van God hoor.
Koor
Ons gemeente koor oefen op Dinsdae aande saam en tree gereeld tydens formele eredienste en spesiale geleënthede op.
Gasvryheidsbediening
Dit is ʼn voorreg om Sondae oggende as jy by die kerk instap ʼn vriendelike verwelkoming te ontvang. Dit laat die gemeentelede voel asof hul tuis gekom het. Ons het ʼn span, wie die gawe van gasvryheid het, wat hierdie belangrike bediening hanteer.Ons Leraar
Dr. Martin Barnard
Dr. Martin is getroud met Estelle en hul het drie dogters. Die oudste, Marizelle, Elmarie en Marisa. Hy studeer in die teologie en behaal die grade BA (Teol. Cum Laude); BD (Teol Cum Laude), ‘n Meestersgraad in Gesinsterapie asook sy Doktorsgraad (Philisophiae Doctor in Pastorale Studies).
Wat Ons Glo
Ek glo in God die Vader, die Almagtige, die Skepper van hemel en aarde,
En in Jesus Christus, sy eniggebore Seun, ons Here;
wat ontvang is van die Heilige Gees, gebore is uit die maagd Maria;
wat gely het onder Pontius Pilatus, gekruisig is, gesterf het en begrawe is en ter helle neergedaal het
wat op die derde dag weer opgestaan het uit die dode;
wat opgevaar het na die hemel en sit aan die regterhand van God, die almagtige Vader;
van waar Hy sal kom om te oordeel die wat nog lewe, en die wat reeds gesterf het.
Ek glo in die Heilige Gees; ek glo aan 'n heilige, algemene Christelike kerk,
die gemeenskap van die heiliges, die vergewing van sondes,
die opstanding van die vlees en in 'n ewige lewe."
- Die Apostoliese Geloofsbelydenis
Geestelike Artikels
- Jy verloor as jy ander wil uitoorlê, vertrap of van die baan af speelJesus bars egter vinnig sy mede-gaste se borrel. Hy vertel dat hulle nooit moet laat loop vir die kollig nie. Die lewe gaan nie oor self-bevordering, self-verbetering of ’n opwaartse reis teen die sosiale leer nie. Ons lewe nie om meer openbare erkenning, eer of mag te behaal nie. Inteendeel, lewe in die teenwoordigheid van ...Read more
- Quo vadis – Waarheen Gaan SAElsa Meyer Te veel Suid-Afrikaners is teleurgesteld in beide die staat en die kerk. Gebeure in ons land lei tot kommer omdat basiese morele waardes en oortuigings nie meer erken word nie. Die stem van die Kerk spreek ook nie regtig tot die massa nie. Waar laat dit die gelowige? Redes waarom moondhede tot ’n val kom. Baie ...Read more
- Hoe moet Christene profesie vandag verstaan en hanteer?Profesie kan soms vreemd of verwarrend voel, maar Christene probeer dit met balans, wysheid en duidelikheid hanteer. Christenskap help gelowiges om profesie prakties en Bybels te verstaan. Hier is hoe: 🌟 Wat is profesie? In Christenskap beteken profesie gewoonlik om ’n spesifieke boodskap van God te deel. Dit kan bemoediging, leiding, waarskuwing, vertroosting of onderrig insluit. Dit ...Read more